بما ان المؤسسات العسكرية تنكرت لمستقبلنا سنتحدث عن الماضي .الحلقة 12 من سلسلة في زمن الحرب والجوع ( اسر شهداء حرب الصحراء المغربية )

 

بما ان المؤسسات العسكرية تنكرت لمستقبلنا سنتحدث عن  الماضي .الحلقة 12 من سلسلة في زمن الحرب والجوع ( اسر  شهداء  حرب الصحراء المغربية )

بعد دقائق من الانتظار خرجت أمي من غرفتها تلك، ودعت النساء اللواتي كن معها ثم جاءت تجلس بجانبي لشرب كأس من الشاي، في تلك الأثناء راودتني الكثير من الأسئلة والأفكار كنت مترددا في جدب النقاش معها حول موضوع السحر والشعوذة، لكن ترددي لم يدم طويلا وسرعان ما انطلقت من فمي تلك الكلمات التي عجز لساني كثيرا عن البوح بها...

  يما، واش راكي كل نهار تعملي مع هاد النسوة؟-

 راك عارف كل وحدة فيهم غي مسكينة تطلبني نرجع ليها راجلها-

 ترجعيه بالسحر والخزعبلات!؟؟ -

  ماشي عيب ما دامني ندير فحاجة د الخير نجمع شمل الراجل مع مرتو-

 يا يما الله هو لقادر يرجع أي حاجة، علاش تدخلي روحك فحاجة كما هادي، نطلبك يا يما- تسالي هاد التخربيق راه غير ك تهزي فذنوب كثيرة

  كندي ذنوب ملي نرجع لمرا راجلها؟ -

  يما، حنا واش دخلنا فيهم؟ -

 نهار استشهد المرحوم بفلوس هادشي ل راه معاجبكش باش كبرت خوتك-

 !! بفلوس الحرام   -

  حلال يا ولدي...حلال، الموت من الجوع هو لحرام -

  أنا راني خدام من صغري باش حتى حاجة متخصنا، ودبا راني محرك فالسردين و خوتي  كبرو يقدروا  يعولوا على راسهم

  جوج دراهم لكتشد يا ولدي منعيشوش بيهوم فهاد البلاد و خوتك راه كل نهار على- حال...خطيك دابا من هادشي، شفتي لمرا لخرجت من عندي ذبا، عندها خوها خدام شي حاجة فالمخزن وراني وصيتها تهدر ليا معاه باش يعاونك تجمع وراقك ودفع راهم يقبلوك أولدي...

 كيفاش!؟؟ واش راك تقولي يا يما، أنا منجمش نخدم مخزني .....مردة ديال الدولة-

  مردة!! ك تستعر منها...راك بغيتي ولا كرهتي ولد مردة  -

  آه ولد مردة ولكن با كان راجل ما عمرو باع راسو، ولو كان عارف الله يرحموا بلي- الدولة لراك تهدري عليها معقلا تش علينا من مورا ما استشهد مكانش يخليك تفكري كي هكا...

  يا ولدي هداك قدر باك، و مكتاب الله مكنعتارضوش عليه-

 المكتاب شي و الذل والحكرة شي آخر يا يما-

  الله يهديك أ ولدي غي سمع هضرتي، الخدمة مع المخزن راها مضمونة حسن ليك من- السردين نهار شبعان و عشرة جيعان

  متخافيش يا يما أنا قاد براسي وبيكوم ولكن منقبلش على راسي شي حاجة أنا مراضيش- عليها

 آش غنقوليك أولدي الله يرضي عليك ويكون معاك -

  آمين يا يما.....آمين  -

من توقيع ليلى اشملال