مات بالإهمال والليل طوال
الجمعية گالت ولد الشهيد ردوا ليه البال
أ هاهو ابن الشهيد بالخميسات مات بالإهمال
ملفاتنا عند المسؤولين خماجت طال عليها الحال
شحال تفاوضنا وشحال وشحال
واش هذا هو ما يسواوا ذوك الشهداء ذوك الأبطال
واش هذا جزاء من عبروا الصحاري والجبال
من اجل الوطن سمحوا فالأم والاطفال
قطعوا الصحرا كيلومترات واميال
ما خلعهوم عدو ما عياهوم بروتكال
كانوا أسود فساحات القتال
دافعوا بارواحهوم ماتوا رجال
قسموا بيمانهوم بللي البلاد ما تباع بأموال
مات ولد الشهيد قتلاتو الغبينة قتلو الإهمال
الجسم عليل والجيب خاوي ما فيه ريال
بعدما ماتت الأرملة وقفوا المعاش هذا هو الهبال
هاذي ماشي خبيرة نعاودوها للجيال
هذا واقع أبناء الشهداء من واقع الحال
رشيد العيرج
أيت ملول
